اروع رايب منرلي بمكونات بسيطة جدا (سلسلة شهيوات رمضان)

0
207

السلام عليكم اليوم جبت ليكم وصفة زوينة اللي كيبغيها كلشي وخاصة فهاد الحرارة ورمضان على الأبواب وكيبغيوها حتى الوليدات الصغار وصحية ليهم بزاف هي الرايب المنزلي بمكونات ساهلة ومتوفرة عند الجميع وصدقوني كيصدق ١٠٠٪ ايلا تبعتوا الخطوات كما هي كيجي روعة .

المقادير :

  • 1 لتر حليب 
  • دانون بنكهة الفاني ١ فانيلا
  • 4 ملاعق كبار سكر سنيدة

الطريقة:

اول حاجة كنبداو بها هي كنقسمو الحليب على ٢ يعني كل نصف لتر بوحدو.نصف لتر كنغليوه يعني سخون مزيان ملي كيغلى كنضيفو ليه السكر و الفانيلا ونقوم بالتحريك مزيان ونحيدو من فوق النار وندوز للنصف لتر البارد نديرو فالخلاط الكهربائي ونضيف ليه دانون ونقوم بمزجهم جيدا ونضيف الحليب الساخن للبارد ونقوم بمزجهم وناخد كؤوس العنبة ونفرغ الخليط فيهم ونوضعهم وسط الكوكوط أو طنجرة الضغط وناخد ماء غليان مزيان يعني من فوق النار مباشرة للكوكوط ونبدا نفرغ الماء الساخن حتى يوصل لنصف الكؤوس ونحبس ونسد الكوكوط وندير ليها الصفارة ديالها ونوضعوها فمكان دافئ في البيت ونغطيها بغطاء يكون سخون ونخليها ١٢ ساعة عاد نحل عليه وبالصحة والراحة و رمضان مبارك سعيد.

ملحوظة: يجب ان يكون حليب البلدي ليس حليب الشركات .

Comments are closed.